Sunna tunna

Vá, ég var eiginlega búin að gleyma að ég átti eitthvað sem kallaðist blogg síða. En jæja, það rofar af og til í hausnum á manni og hér er ég. Sit bara hér heima inní stofu að prenta út allt sem ég á úr Fóstbræðrasögu, því það er próf hjá mér á morgun í henni. Já ég er semsagt byrjuð í FB eftir 9 ára hlé :) Það gengur bara alveg þokkalega, svoldið erfitt reyndar að vera eiginlega bara með 16 ára krökkum í tíma, en það venst eins og allt annað. Er búin að hafa það fínt í sumar. Fórum eina ferð í mörkina, fór til Eyja með Danna og Sóley og skemmtum okkur rosalega vel. Ég reyndar lá í rúminu næstu vikuna á eftir með hálsbólgu og hita og einhverja vitleysu. Það reyndar var alveg ágætt, notaði tímann og horfði á 3 fyrstu seríurnar af Friends. Næstu helgi erum við Danni að fara að keppa í síðasta rallinu í ár. Það verður keyrt um Reykjanesið í þetta skipti. Nánari uppl á http://rally.is. Verður það trúlega skrambi skemmtilegt. En jæja, nóg af blaðri í bili. Ætla að fara einbeita mér að lestrinum. Hafið það svaka gott þangað til næst sykurpúðar :)

! ! Súkkulaði ! !